Dame, da li ste znale? Karmin ne morate nanositi isključivo na usne, evo još par načina kako da ga iskoristite

Ruž za usne jedan je od najčešće korišćenih proizvoda za šminkanje. No, jeste li znali da karmin ne morate nanositi isključivo na usne?

Mnogi šminkeri ruž za usne preporučuju kao alternativu za brojne proizvode. U različitim nijansama iskoristite karmin umjesto bronzera, rumenila ili sjenke za oči. 

Rumenilo

Umjesto standardnog nanošenja rumenila nanesite nekoliko tačkica karmina na vaše obraze i dobro razmažite prstima. Vaši obrazi će poprimiti željenu nijansu, te će drugima oko vas djelovati kao da ste nanijeli kremasto rumenilo.

Bronzer

Da, baš kao i u prethodnom slučaju, karmin možete koristiti i kao alternativu za bronzer. Smeđi ruž za usne, bez obzira željeli sjajnu kožu ili oblikovane i naglašene obraze, savršen je izbor.

Tuš za oči

Ako imate dosta tečnih ruževa, možete ih nanositi umjesto tuša za oči. Budite kreativni i poigrajte se sa svojim stilovima.

Sjenka za oči

Kada je u pitanju sjena za oči, nanošenje ruža za usne na očne kapke odlična je ideja jer su karmini dugotrajni, a nekvalitetne sjene za oči, opštepoznato je, dosta brzo spadnu. Takođe, i sjena za oči može biti zamjena za karmin. U slučaju da je vaš omiljeni ruž za usne pri kraju, komadiće sjenke za oči pomješajte s balzamom za usne i nanesite umjesto karmina.

 

Izvor I foto: Kolektiv.me

Tekst objavila: Jasminka Mulić