Tajna je u začinima i u neodoljivom sosu od bijelog luka.
Potrebni sastojci:
paprike – 10 komada
mljeveno meso – 350 g
praziluk – 1 struk
šargarepa – 1 komad
pirinač – 1 šolja
so
biber
kumin
čili
bijeli luk
korijander
kisjelo mlijeko – 400 g
mirođija
NAČIN PRIPREME
Operite i očistite paprike.
U ugrijanoj masti propržite prziluk, dodajte 2 izgnječena čena bijelog luka i jednu izrendanu šargarepu. Dodajte mljeveno meso i začinite kuminom, biberom, čilijem, korijanderom.
Kad se mljeveno meso proprži stavite i očišćeni pirinač. Pržite pirinač dok ne postane providan, nakon toga dodajte 1 šolju vode. Ostavite da se krčka.
Kad pirinač upije vodu skinite sa vatre. Sačekajte 5 minuta dok se smjesa ne ohladi.
Napunite paprike nadjevom i poređajte u pleh. Sipajte malo vode u pleh i pospite paprike sa malo masti. Pecite oko 25 minuta na 200 stepeni.
400 g mlijeka stavite u posudu i promiješajte viljuškom dok ne dobijete homogenu smjesu, dodajte 3 čena izgnječenog bijelog luka, prstohvat soli, mirođiju i nekoliko kapljica maslinovog ulja.
Sos ponovo promiješajte i ostavite na jedan sat u frižideru da se začini.
Izvor i foto: CdM
Tekst objavila: Jasminka Mulić