Na Tajvanu je sve popularniji tretman “daoliao”. To je pomalo bizarna masaža noževima, koja vraća energiju stimulišući cirkulaciju i vraćajući balans tijelu.
Dao liao u doslovnom prevodu znači “masaža nožem” ili “terapija nožem”. Smatra se da ima fizičke i emocionalne moći iscjeljenja i oblik je kineske medicine za koju se smatra da je stara više od 2.000 godina. Od drevne Kine, ova praksa se proširila na Japan u dinastiji Tang prije više od hiljadu godina, a na Tajvan poslije kineskog građanskog rata 1940-ih.
Ova masaža funkcioniše tako što maseri, umjesto ruku, koriste noževe kojima usmjeravaju protok pozitivne i negativne energije iz kože onoga koga masiraju. Tretman košta oko 40 dolara, a nema starosnog ograničenja, svi mogu da učestvuju.
Kako piše BBC, ljudi sve češće traže ovaj tretman kako bi olakšali bol u mišićima ili poboljšali kvalitet sna.
Izvor i foto: Cdm
Tekst objavila: Ljilja Brajković