Aleksija Kojović, učenica prvog razreda OŠ ''Pavle Žižić'' (mentorka Dragana Rečević), osvojila je prvo mjesto u kategoriji učenika od prvog do petog razreda, na 45. opštinskoj smotri recitatora, održanoj danas u Centru za kulturu. Drugo mjesto pripalo je Leni Petrić, učenici OŠ ''Risto Ratković'' (mentorka Elza Numanović), a treće Medini Suljević, učenici drugog razreda OŠ ''Mladost'' (mentorka Nejma Suljević).
Specijalna nagrada za prirodnost i izražajnost dodjeljena je Sari Sijarić, učenici petog razreda OŠ ''Šukrija Međedović'' (mentorka Almira Sijarić).
U kategoriji učenika od šestog do devetog razreda razreda, najbolja je bila Ksenija Smolović, učenica devetog razreda OŠ ''Marko Miljanov'' (mentorka Renata Radulović). Drugo mjesto osvojio je Daris Popara, učenik osmog razreda OŠ ''Šukrija Međedović'' (mentorka Nermina Ličina), a treće Emili Numanović, učenica sedmog razreda OŠ ''Dušan Korać'' (mentorka Anela Šukurica).
U kategoriji učenika srednjih škola prvo mjesto osvojila je Nikolina Karišik, učenica trećeg razreda Gimnazije “Miloje Dobrašinović”(mentorka Milka Španjević), a drugo Sara Kurgaš, učenica trećeg razreda, takođe Gimnazije ''Miloje Dobrašinović'' (mentorka Marijana Lalević). Žiri nije dodijelio treće mjesto u kategoriji učenika srednjih škola.
Specijalna nagrada za prirodnost i izražajnost dodijeljena je Adelisi Kurgaš, učenici osmog razreda OŠ "9.maj" iz Sutivana, čija je mentorka Nataša Banković.
Na današnjoj smotri recitaroa učestvovalo je 66 učenika iz 13 osnovnih i 2 srednje škole. Nastup recitatora pratio je i ocjenjivao žiri u sastavu: glumica Sanja Lakušić Korać, predsjednica žirija, glumac Jusuf Bajramspahić i profesor književnosti Zoran Sošić.
Smotru je recitacijom, u revijalnom dijelu, otvorila Tajra Kasumović, polaznica JPU ''Dušo Basekić'', iz vaspitne jedinice ''Pčelica'', (mentorke Branka Dabetić i Najda Lukač).
Zahvalnice za učešće na smotri uručio je Dražen Konatar, umjetnički direktor JU Centar za kulturu ''Vojislav Bulatović Strunjo''.
Tekst: Tanja Dangubić
Foto: Dalibor Rakočević
