Jedite ih dok su topli i rumeni.

Doručak ili večera koju su nam obično bake spremale. Ovaj recept će vas i ukusom i mirisom garantovano vratiti u bezbrižno djetinjstvo.

Sastojci:

3 jaja

pola kilograma brašna

ulje

so

Priprema:

Usuti u šerpu pola litra vode, malo je posoliti i zagrijati na šporetu. Tri žumanceta dobro umutiti varjačom, zatim žumance postepeno dodati u toplu vodu, neprestajno miješajući dok se sva voda ne utroši.

Poslije toga usuti pola kilograma brašna i lupati varjačom dok tijesto ne dobije mjehure.

Ulupati čvrst snijeg od 3 bjelanceta i lako ga umiješati u testo.

U tiganj za krofnice metnuti dosta ulja i dobro ga zagrijati na šporetu.

Od tijesta odvajati manje količine kašikom, stavljati ih na vrelo ulje i pržiti.

Rumene uštipke vaditi rešetkastom kašikom iz ulja na veliki okrugao tanjir, pa ih posipati sitnim šećerom.

Služiti ih dok su topli.

Izvor i foto: Kolektiv.me

Tekst objavila: Jasminka Mulić