Ukusno jelo za vrele dane.

Sastojci:

– 1 luk srednje veličine

– 2 srednje tikvice

– 200 g kuvanog kukuruza

– 2 veća jaja

– 200 g rendanog kačkavalja

– 50 g rendanog parmezana

– 4 velike tortilje

– so, biber 

– maslinovo ulje

Priprema:

Luk isjeckajte na sitno. Popržite ga na dvije do tri kašike maslinova ulja.

Dodajte tikvice koje ste prethodno oprali, oljuštili i isjekli na manje kockice ili trakice. Posolite, pobiberite i sve zajedno dinstajte pet minuta.

Razmutite jaja i dodajte tikvicama i luku. Kada jaja budu pečena, sklonite sa šporeta i dodajte kuvani kukuruz i parmezan, pa promiješajte.

U veći tiganj sipajte malo maslinovog ulja, pa zagrijte na srednje jakoj temperaturi.

Na tanjir stavite jednu tortilju, pospite je kačkavaljem, rasporedite polovinu smjese od tikvica i jaja, opet pospite sirom i poklopite drugom tortiljom. 

Tortilje pažljivo prebacite u tiganj, pa pecite s obje strane po par minuta.

Ponovite postupak s preostalim tortiljama i nadjevom.

Umjesto kačkavalja možete koristiti i mocarelu, ako želite.

Prijatno!

Izvor i foto:CdM

Tekst objavila: Jasminka Mulić