Delegacije Rusije i Ukrajine održaće u Istanbulu direktne mirovne pregovore nakon više od tri godine, ali će u delegacijama biti zvaničnici nižeg ranga, nakon što je ruski predsjednik Vladimir Putin rekao da neće prisustvovati sastancima.

Prema navodima ruskih medija, delegacije bi trebalo da se sastanu danas u deset sati po lokalnom vremenu u palati Dolmabahče u Istanbulu, a sastanak će biti zatvoren za javnost i bez prisustva medija, prenosi Radio Slobodna Evropa.

Ukrajinski predsjednik Volodimir Zelenski, prema navodima, putuje u Tursku kako je i planirano, iako je Putin odlučio da ne dolazi.Zelenski će se sastati s turskim predsjednikom Redžepom Tajipom Erdoganom u Ankari, ali neće prisustvovati pregovorima u Istanbulu.On je ranije izjavio da je spreman da se sastane s Putinom, ali ne i s nižerangiranim ruskim zvaničnicima.

Izvor: MINA