Trudna tinejdžerka izgubila je bebu i završila u kolicima nakon što se je ispod svoje desne dojke uradila tetovažu.

Luisa Fernanda (16) iz Kolumbije razboljela se nakon što se njena nova tetovaža inficirala. Doktori su joj rekli da nikada više neće moći da hoda, jer se infekcija proširila na njenu kičmenu moždinu.

- Morala sam da prođem kroz operaciju prilikom koje su iz mene izvukli nešto zaražene tečnosti. Pila sam mnogo ljekova. Imala sam spontani pobačaj i izgubila sina kojeg sam nosila - rekla je Luisa.

Nakon toga nesrećna djevojka morala je da počne da pije druge vrste ljekova, da se izbori sa depresijom koju je gubitak bebe ostavio za sobom.

Ona na društvenim mrežama često govori o svom iskustvu kako bi druge ljude upozorila na potencijalne opasnosti od tetoviranja.

- Prije godinu dana samo je jedna mala tetovaža dovela do toga da ja više nikada ne mogu da stanem na svoje noge - poručila je ona.

Izvor:Kolektiv.me