Najmanje 28 ljudi poginulo je u udarima uragana Hulija u centralnoj Americi, a najviše u El Salvadoru i Gvatemali, potvrdile su vlasti.U Gvatemali je Agencija za sprječavanje prirodnih nepogoda saopštila da je pet ljudi poginulo kada se na njihovu kuću obrušilo brdo u pokrajini Alta Verapas, prenio je AP.

U pokrajini Ueuetenango, u blizini Meksika, devet ljudi je nastradalo, među njima i vojnik koji je učestvovao u akciji spasavanja.Vlasti El Salvadora potvrdile su da je pet njihovih vojnika poginulo kada se na njih srušio zid u kući gdje su se sklonili, u Komasagvi, gdje je više stotina policajaca i vojnika sprovodilo raciju protiv bandi.Još dvije osobe su stradale na istoku te zemlje, u gradu Gvatahiagva, prikikom obrušavanja zida njihove kuće. Jedan čovjek se udavio u bujici, a još jedan kada je na njega palo stablo.U El Salvadoru su se rijeke izlila iz korita i proglašena je vanredna situacija. Otvoreno je 80 prihvatnih centara za žrtve nepogode.U susjednom Hondurasu, 22-godišnju ženu je odnijela bujica, a troje ljudi je poginulo kada je njihov čamac udario u obalu, na sjeveru zemlje. Jedan čovek je stradao u Nikaragvi kada je na njega palo stablo.Hulija je pogodila centralnu karipsku obalu Nikaragve u nedjelju, kada je imala snagu uragana i maksimalnu brzinu vjetra do 140 kilometara na sat.

Izvor: Mina