Banane su mnogima omiljeno voće. Često ih jedemo kao dio doručka uz ovsenu kašu ili nam služe kao brzinska užina i večera. Ako ste se uželjeli nekog dezerta s bananom, predlažemo vam da isprobate ovu brzu tortu, koja je miks banane i tiramisu kolača.

Tiramisu je jedna od omiljenih poslastica širom svijeta, a bananamisu je kao neka dodatna verzija te torte.

Sastojci za biskvit:

4 jajeta

4 kašike šećera

4 kašike brašna

malo maslaca i prezli za kalup

Sastojci za fil:

4 ml slatke pavlake

5 g šećera u prahu

500 g maskarponea

3 banane

sok od 1 limuna

kakao

Priprema torte s bananama

Prvo ispecite biskvit. Kalup za torte s odvojivim obručem premažite s malo maslaca, pospite prezlama i stavite sa strane.

Upalite rernu na 180 stepeni. Razbijte jaja, ubacite u njih šećer i miksajte dok se smjesa ne udvostruči i dok ne postane svijetložuta. Zatim u smjesu dodajte brašno i lagano ga umiješajte varjačom, nikako mikserom.

Sipajte smesu u kalup, stavite u zagrijanu rernu i pecite oko 15-20 minuta, dok se biskvit ne odvoji od kalupa i dok ne postane zlatnožut na površini.

Pustite biskvit da se hladi u kalupu i pripremajte fil. Slatku pavlaku umutite mikserom dok malo ne očvrsne. Zatim dodajte šećer i miksajte dok šlag ne postane čvrst. U posebnoj posudi mikserom malo razradite mascarpone, a zatim ga ubacite u šlag i laganim ručnim miješanjem sjedinite sastojke.

Kad je gotova, stavite je u frižider.

Banane ogulite, presijecite na pola po dužini i širini, poprskajte ih sokom od limuna i složite po ohlađenom biskvitu. Možda će vam zatrebati više banana, u zavisnosti od njihove veličine i veličine kalupa, pa računajte na to. Prelijte banane i biskvit filom.

Malo protresite kalup kako bi se fil spustio i po potrebi je izravnajte špatulom, a tortu zatim stavite u frižider na nekoliko sati. Bilo bi idealno da prenoći u frižideru. Prije serviranja pospite je kakaom.

Prijatno!

Izvor i foto:Kolektiv.me

Tekst objavila:Jasminka Mulić